Жаңалықтар

Түркістан облысында тоғанды су жуып кету нәтижесінде, кейбір қиыншылықтар орын алып отыр. Бүгінде Мақтаарал  аудынының біршама ауылдары су қыспағында. Осының нәтижесінде 31 000 ға таяу тұрғындар баспанасыз қалды. Шамадан тыс нөсердің нәтижесінде туындалған қиыншылықтарды жоюға бағытталған құтқару жұмыстары кең көлемде жүргізілуде. Орын алып отырған жағдайға қазақстанның барлық азаматтары жан-тәнімен алаңдаулы.

Осыған байланысты, біз сіздерді қазақстандық ғалымдар жасаған жаңалықпен таныстыруды жөн көріп отырмыз. Әңгіме құрылыс материалдарымен тұрғын үйді жылдам көтеруге арналған инновациялық  «Оңтайлы модуль-ықшам завод» жайлы. Бұл қондырғы тұрғын үйлер мен әлеуметтік нысандарды салу мен қалпына келтірүді тездетуге және жеңілдетуге арналған. Аталған модуль - тез әрі жеңіл жинақталады және кез-келген жерге орнатуға болады. Осылай құрылыс алаңына қойылған «Модуль-ықшам завод» тез арада көптеген құрылыс материалдарының түрлерін шығарып, олардан тұрғын үйлер құрастыруға мүмкіндік береді. Маңыздысы,  аталған үйлердің бағасы орташа нарықтық бағадан 20 пайыз төмен және аумағы 80 шаршы метр уйді бір жұмыс ауысымында бітірүге болады.

Сонымен қатар, ұсынылып отырған «Модуль- ықшам заводтың» тиімділігі –оның арзандығы  және  құрылысты жылдамдатуымен де анықталады. Оған қосымша, құрылыс материалдарын шығару құрылыс аланыңда жүзеге асырылуына байланыста логистикалық шығындар да  үнемделеді. 

Аталған кішіжоба «Инклюзивті инновациялар консорциумдары» атты грандық бағдарлама шеңбінде  Қазқстан-Британ техникалық университет пен «Идеал-Систем» өндірістік компания бірлесүімен жүзеге асырылып отыр.

Аталған жобаның авторлары түркістан облысына барып, қолдан келген көмектерін көрсетуге дайын, тұрғын үйлерді тұрғызу жұмыстарына атсалысуға дайын.

Нұр-Сұлтан қаласында "Инновацияны ынталандыру: ғылым мен бизнестің ұштасуы» конференциясы өтті. Бұл іс-шара Қазақстандағы ғылыми жетістіктерді коммерцияландырудың табысты тәжірибелерін таныстыру үшін маңызды оқиғалардың бірі болып саналады. Конференцияны "Өнімді инновацияларды ынталандыру" жобасы аясында ҚР Білім және ғылым министрлігі Дүниежүзілік банкпен бірлесіп ұйымдастырылды.

Конференцияда қазақстандық ғылыми жетістіктерді коммерцияландырудың табысты тәжірибесі, сондай-ақ Қазақстан экономикасының үдемелі дамуын жүзеге асыру үшін бизнеспен жемісті ынтымақтастықтың нәтижелері таныстырылды.

"Қазақстан Үкіметі мен Дүниежүзілік банктің бірлескен жобасы қазақстандық ғалымдар мен олардың әзірлемелерін қолдау құралдарының бірі болып табылады. Қазақстан отандық ғылымды жаңа деңгейге шығару мақсатын қойды. Міндеттердің бірі - ғылыми әзірлемелерді коммерцияландыру, ғалымдар мен бизнес өкілдерінің өзара іс-қимылын нығайту. Өнімді инновациялар экономика мен қоғамның барлық салаларын қамтитын және тиімді байланыстыратын дамудың негізгі факторы болып есептелінеді. Біздің жобаның негізгі мақсаты - жоғары сапалы, ел үшін өзекті технологияларды коммерцияландыру әлеуеті бар зерттеулерді жүргізуді ынталандыру, сондай-ақ әлемдік білім мен тәжірибені тиімді пайдалану болып табылады", - деп атап өтті "Өнімді инновацияларды ынталандыру" жобасын басқару тобының директоры Мұрат Сартбаев.

Конференция аясында "Табысты жобалар" питчинг-сессиясы өтті, оның барысында қазақстандық ғалымдар мен озық ғылыми шешімдерді әзірлеушілер өз жобаларын коммерцияландыру бойынша тәжірибелерімен бөлісті.

Жобаның операциялық қызметі мәселелері бойынша пікірталас алаңында ғылым мен бизнестің тығыз серіктестігінің өзекті мәселелері, сондай-ақ қазақстандық ғылыми жетістіктерді дамытудың маңызды факторларының бірі ретінде инновацияларды ынталандыруды қолдау мәселелері талқыланды.

Сондай–ақ, іс-шара аясында "Өнімді инновацияларды ынталандыру - табысты жобалар" көрмесі өтті. Грант алушылар өздерін таныстырып қана қоймай, конференция алаңын коворкинг аймағы ретінде пайдалана алды. Әріптестермен коллаборация және ынтымақтастық перспективалары талқыланды.

Ғылыми-зерттеу ұйымы ретінде аккредиттелген «Qazproftec» ЖШС-і Қазақстан Республикасы Білім және ғылым министрлігінің Дүниежүзілік Банкпен бірге «Өнімді инновацияларды ынталандыру» жобасы аясында 2016 жылдан бастап «Кәсіптік бағдарлаудың, мамандықтардың қажеттіліктерін талдау мен болжаудың бірыңғай ақпараттық жүйесі – Bagdar.kz» жобасын жүзеге асырумен айналысады және кәсіптік бағдарлау бойынша мектеп оқушылары мен жастарға арналған «Қазақстан болашағы: кәсіптік бағдарлаудан мансапқа дейін!» атты шараны өткізеді.

Шараның басты мақсаты техникалық және кәсіптік, жоғары және орта кәсіптік білім саласындағы білім беру өкілдері арасында мектеп оқушылары мен жастарды заманауи кәсіби бағдарлау және өзін-өзі табу саласында тәжірибемен алмасу, сондай-ақ Қазақстан Республикасының аумағында және одан тыс жерде негізгі және қосымша кәсіптік білім алу мүмкіндіктерімен таныстыру болып табылады.

Шара барысында мынадай мәселелер қаралды: жоғары оқу орындары түлектерінің әрі қарай жұмысқа орналасу мүмкіндіктерімен таныстыру, Қазақстанда және шетелде орта, жоғары және жоғары оқу орнынан кейінгі білімнің кәсіптік бағдарлау траекториясын таңдау жөніндегі ұсыныстары, балалар мен жастар үшін әлеуметтік және қаржылық білім алу тұжырымдамасы, шетелдегі оқу мекемелерінде кәсіптік бағдарлау жүйелерінің үлгілерін зерттеу және т.б.

Шараға ҚР Білім және ғылым министрлігі, ҚР Еңбек және халықты әлеуметтік қорғау министрлігі, ҚР БҒМ Ғылым комитеті, Нұр-Сұлтан қаласы әкімдігінің Жұмыспен қамту орталығы, «Атамекен» Ұлттық кәсіпкерлер палатасы, ҚР БҒМ Ұлттық тестілеу орталығының өкілдері, психологтар, кәсіптік бағдарлау саласындағы ұстаздар және ғылыми қызметкерлер, Нұр-Сұлтан қаласының мектеп оқушылары мен студенттері, сондай-ақ Балтық халықаралық академиясы (Латвия), Афлатун халықаралық ұйымы (Нидерланд), I Global Университетінің (АҚШ) өкілдері қатысты.

4 қазанда "Өнімді инновацияларды ынталандыру" жобасын басқару тобы Ғылым комитеті және Дүниежүзілік банк өкілдерімен бірлесіп Шымкент қаласында Орталық Азия мен Қазақстанда қуаты 220 кВ кернеулі 63 МВА класты автотрансформатордың ашылуына орай  салтанатты тұсаукесерге қатысты.

Аса қуатты автотрансформаторды "КазНИПИИТЭС "Энергия" АҚ және "Электродеталь" ЖШС және  "Alageum Electric" компаниясының құрамына кіретін Кентау трансформатор зауытының ғалымдары мен инженерлері жасап шығарды.

Жаңа трансформатор Қазақстандағы табысты импортты алмастырудың жарқын үлгісі болып табылады және жақын арада электр энергиясын Түркістан облысының үш ірі аудандары бойынша бөлетін болады: Келес, Сарығаш және Мақтарал. Автотрансформаторды әзірлеуші - техника ғылымдарының докторы, Қазақстанның еңбек сіңірген энергетигі Сергей Евгеньевич Соколов жоғары қуаты бар трансформаторларға деген сұраныс жыл сайын өсіп келе жатқанын атап өтті, өйткені өткен ғасырдың 80-ші жылдары салынған ескі жабдықтардың біртіндеп тозуына байланысты Қазақстанның барлық қосалқы станцияларына жақын арада күрделі жаңғырту қажет болады.


Бұл әзірлеме 2017 жылы Қазақстан Республикасы Білім және ғылым министрлігі мен Дүниежүзілік банк бірлесе іске асырып жатқан Өнімді инновацияларды ынталандыру" жобасының "Өндірістік сектор консорциумдары" бағдарламасы шеңберінде қолдау тапты.

Дүниежүзілік банк өкілдері: Мариалиса Мотта ханым, Еуропа және Орталық Азия аймағындағы қаржы, бәсекеге қабілеттілік және инновация бойынша жаһандық тәжірибенің жетекшісі, Стефка Славова ханым - бас экономист, Пауло Корреа мырза - кеңесші, жобаның мониторингі мен талдауы аясында ҚР БҒМ ҒК мен Дүниежүзілік банк біргелікте іске асырылып жатқан "Өнімді инновацияларды ынталандыру" жобасының кіші жобаларына барды. Атап айтқанда, үш табысты кіші жобаға мониторинг жүргізілді: Genesis, Green-lab және X-matrix.

Genesis Компания ірі қара малдың генотиптеу, асыл тұқымды төлін анықтау және кейіннен генетикалық паспортты ресімдеумен айналысады. Компания тұқымды және асыл тұқымды текті растау үшін ауыл шаруашылығы малдарын генетикалық зерттеу саласында халықаралық сапа сертификатын алған табысты кәсіпорын және алғашқы компания болып табылады.

Дүниежүзілік банк өкілдері жобаны жүзеге асыруға, Банк пен мемлекет тарапынан инвестицияларға, сондай-ақ компанияның болашақ даму перспективаларына қатысты түрлі сұрақтар қойды.

Жоба жетекшісі Александр Шустов, сатып алынатын жабдықтың қымбат болуына байланысты жобаны іске асыру гранттық қолдаусыз мүмкін болмайтынын атап өтті. Болашақта компания өзінің инновациялық технологиясын коммерцияландыру жөніндегі маман арқылы және бизнес пен ғылымның симбиозы арқылы әрі қарай кеңейіп, шетелдік компаниялардың тапсырыстарын қабылдауды жоспарлап отыр.

X-matrix Жобаның жетекшісі-Абуғалиев Қабылбек, комбустиолог дәрігер (күйіктерді емдеу жөнінде хирург). Дүниежүзілік банк өкілдеріне күйік жараларын қарапайым бинттен үш есе жылдам емдеуге мүмкіндік беретін өзінің инновациялық биологиялық таңғыштарын таныстырды, арзандық, жылдамдық пен мұсылмандар үшін тартымды ететін құрамы сияқты өз өнімінің бәсекелестік артықшылықтары туралы айтты. Сондай-ақ ол өз жобасының келешегімен бөлісті, онда нарыққа сәтті шыққаннан кейін, ол жобаны басқаруды тәжірибелі менеджерге беріп, өзі толық ғылым мен медицинамен айналысуды жоспарлап отыр.

Green lab. Какимжанова Алмагуль Апсаламовна - жоба жетекшісі микроклональды көбею туралы баяндап, шағын бүршіктен бір жарым метрлік терекке дейінгі көшеттердің дамуын бақылауға болатын зертхананы көрсетті. Бұл әдіс биіктігі 2-ден 3 метрге дейінгі көшеттерді алу уақытын екі есеге қысқартатынын ерекше атап өтті.  Екпе көшеттердің жерсіну пайызын арттырады.   Отырғызу материалының құнын арзандатады.   Өсімдіктерді ашық топыраққа түсірмес бұрын оларды арнайы қоректік ортасы бар стерильді пробиркаларға орналастырады. Мұндай жағдайларда өсірілген өсімдіктер шетелден импортталатын отырғызылатын материалға қарағанда, Қазақстанның климаттық жағдайларына көбірек бейімделген, сондай-ақ жоғары төзімділікке ие.

Дүниежүзілік банк өкілдері аталмыш кіші жобалардың өзектілігін атап өтіп, олардың ғылыми негізін ерекше атап өтті. Сондай-ақ, аталған жобаларды ғылымның табысты дамуының мысалы ретінде бизнес модель ретінде қарастыруға болады деген пікірін білдірді.

Showcases

Background Image

Header Color

:

Content Color

: