Жаңалықтар

ҚР Парламенті Сенатында өткен "дөңгелек үстелде" қос палата депутаттары қазақстандық ғалымдардың ғылыми және ғылыми-техникалық қызметінің нәтижелерін коммерцияландыру саласындағы қазіргі заңнаманың тиімділігін қарастырды.

Білім және ғылым вице-министрі Асхат Аймағамбетов бұл бағытта атқарылған жұмыс туралы баяндап берді. Асхат Аймағамбетовтің айтуынша: "Коммерцияландыру гранттық жобалары шеңберінде 2016 жылы 712 млн. жеке инвестициялар тартылды, қоса қаржыландыру үлесі 8%-ды құрады, ал бұл жылы ғылыми және ғылыми-техникалық қызметінің нәтижелерін коммерцияландыруға жеке сектор тарапынан қаражат құю сомасы 3 есе артып, 2,5 млрд теңгені құрады, ал жеке бизнестен қоса қаржыландыру үлесі  13%-ды құрады".

Вице-министр ҚР БҒМ қазақстандық ғалымдардың ғылыми әзірлемелерін коммерцияландыруды әрі қарай дамыту қажет деп санайтынын атап өтті. Сонымен қатар, вице-министр Аймағамбетовтің пікірінше, инновацияларды өндіріске енгізу және жалпы ғылымды дамытудың қарқынына ықпал ететін бірқатар мәселелерді шешу қажет. Атап айтқанда, қазақстандық ғылымның әзірлемелерін өндіріске енгізетін мекемелерге қатысты салық саясатын қайта қарастыру қажет.

Мұндай саясат дамыған елдерді жоғары тиімділік көрсетті, ал Қазақстандағы инновациялық әзірлемелердің әлеуеті жоғары екендігі сөзсіз.

Депутаттар және қатысушы сарапшылар вице-министр Аймағамбетовке стратегиялық және практикалық сипаттағы бірқатар сұрақтар қойып, ғылыми саланың перспективалары жайлы пікірталасқа белсене қатысты.

2018 жылдың 29 қыркүйегінде «ASTANA HUB» Халықаралық IT-стартаптар технопаркінде ҚР БҒМ Ғылым комитетінің қолдауымен, Дүниежүзілік банктің
"Өнімді инновацияларды ынталандыру" жобасының шеңберінде алғашқы технологиялық брокерлік іс-шара "Astana Technology Commercialization Point 2018" өтті. Іс-шарада стартап-компаниялар екі минуттық питчинг ішінде әлеуетті инвесторлар мен серіктестерді тартты.
Іс-шараның ерекше қонақтарының арасында Дүниежүзілік банктің Қазақстандағы Тұрақты Өкілі Ато Браун мырза болды. Ато Браун мырза 25 жылдан астам бойы Дүниежүзілік банк және басқа халықаралық қаржылық ұйымдар қаржыландыратын, инфрақұрылым мен коммуналдық шаруашылық саласындағы реформалар, қызметтер көрсетуге жеке сектордың қатысуы, қызметтерді инновациялық қаржыландыру, қалалық және ауылдық аудандарды дамыту және Таяу Шығыс және Африка, Азия және Латын Америкасы елдеріндегі әлеуметтік қорғау секілді бірқатар даму бағыттарын қамтитын жобалармен жұмыс істеуде.
Аталған іс-шара отандық өнімдер мен технологияларды сыртқы нарықтарға шығаруға бағытталған. АТСР шеңберінде өткен панельдік пікірталаста қатысушылар әзірлемелерді коммерцияландыруда және нарыққа шығуда стартап-компаниялар кездесетін мәселелерін талқылады.
Іс-шарада стартаперлермен қоса шақырылған технологиялық компаниялар да сөз сөйлеп, өнімді халықаралық нарықтарға табысты шығаруы туралы тәжірибесімен бөлісті.
Іс-шараны ұйымдастырушы: "Технологияларды Коммерцияландыру жөніндегі Мамандар Альянсы"
Қоғамдық бірлестігі Технологиялық брокерліс іс-шара «Astana Technology Commercialization Point 2018» – бұл серіктестік байланыстар мен ынтымақтастық, сондай-ақ тәжірибе алмасу үшін инновациялық компаниялар, жаңа технологияларды әзірлеушілер, бизнес өкілдері, инвесторлар және басқа да мүдделі тараптарды қосқанда, технологияларды коммерцияландырудың барлық стейкхолдерлерін бір алаңда жинауға арналған кәсіби нетворкинг іс-шара.
​"Өнімді инновацияларды ынталандыру" жобасы - бұл жоғары зияткерлік ортаны қалыптастыру және қазақстандық әзірлемелерді коммерцияландыруға бағытталған ҚР Үкіметі атынан ҚР БҒМ және Дүниежүзілік банктің ортақ жобасы.

2018 жылдың 6 тамызында "Өнімді инновацияларды ынталандыру" жобасының "Өндірістік сектор консорциумдары" гранттық бағдарламасының 2-айналымы шеңберінде өтінімдерді қабылдау аяқталды.

Конкурс нәтижесі бойынша, 22 өтінім қабылданды.

ӨСК І грант түрі бойынша жалпы сомасы 4,58 млрд теңгеге 8 өтінім берілді, 10% қоса қаржыландыру құрайды.

ӨСК ІІ грант түрі бойынша жалпы сомасы 9,3 млрд теңгеге 14 өтінім қабылданды, оның 42%-ын бизнес тарапынан қоса қаржыландыру құрайды. ӨСК ІІ гранты аясындағы 4 өтінім әкімшілік критерийлер бойынша қабылданбайды. Басқа өтінімдерді Ғылым және коммерцияландыру жөнінде халықаралық кеңес Портал арқылы қарастырып, бағалайтын болады.

Жеңімпаздарды іріктеу 2018 ж. қыркүйекте жүргізіледі.

«Бұл бағдарламаның басты мақсаты - саланың жүйелік міндеттерін шешетін жаңа технологияларды әзірлеу және енгізу мақсатында ғылым мен бизнестің күшін біріктіру. Бұл бағдарлама өндірістік компаниялар және ғылыми ұйымдардан тұратын консорциумдарға арналған. Бұл бағдарлама, сондай-ақ Жоба еліміздің экономикасына ұзақ мерзімді әсер етеді деп күтудеміз».

Анықтама:

"Өндірістік сектор консорциумдары" гранттық бағдарламасы аясында екі түрлі грант берілетін болады:

ӨСК I: Ғылыми ұйым негізіндегі ғылыми-индустриялық ынтымақтастық орталығы. Мақсаты: қатысушы өндірістік компаниялардың қажеттіліктері үшін қолданбалы ҒЗТКЖ құра алатын ғылыми орталықты құру.

ӨСК ІІ: Өндірістік мекеме негізіндегі ғылыми-индустриялық технологиялық консорциум. Мақсаты: ғылыми ұйымдардың көмегімен әзірленген және енгізілген инновациялар.

Қосымша ақпарат алу үшін Жобаның PR-менеджеріне хабарласуыңызды сұраймыз: Ця електронна адреса захищена від спам-ботів. вам потрібно увімкнути JavaScript, щоб побачити її., тел.: +77172277123

«Өнімді инновацияларды ынталандыру» жобасының шеңберінде Өндірістік сектор консорциумдарына арналған гранттық бағдарлама бойынша конкурс жарияланды.  

Бағдарламаның мақсаты саланың жүйелік мәселелерін шешетін технологияларды енгізу үшін ғылыми ұйымдар мен өндірістік сектор кәсіпорындары арасында консорциумдарды құру болып табылады.

Гранттың максималды көлемі 650 млн. теңгені құрайтын болады. Жобаларды әлемнің әр түрлі елдерінің сарапшыларынан құралған Ғылым және коммерцияландыру жөніндегі халықаралық кеңес іріктейтін болады.

Гранттық бағдарлама талаптарына сәйкес, консорциум:

  1. ғылыми ұйымдардан (ЖОО, ҒЗИ және т.б.) және экономиканың өндірістік секторларының бизнес өкілдерінен құралуы тиіс,
  2. жүзеге асыру мерзімі үш жылдан аспауы қажет,
  3. экологиялық талаптарға сай болуы,
  4. қаржыландыру бағытына сай болуы тиіс. Мысалы, технологияларды коммерцияландыру бойынша басқа бағдарламалар шеңберінде қаржыландырылған жобалар қабылданбайды. Сонымен қатар, қаржыландыруға жатпайды: қару-жарақты, темекі, алкоголдік өнімдер, пестицидтер өндіру және сақтау өндірісі, бір сөзбен айтқанда, адам денсаулығы мен қоршаған ортаға елеулі немесе ұзақ мерзімді зиян келтіруі мүмкін кез-келген жобалар.

Конкурстың талаптарына сәйкес, барлық өтінімдер ағылшын, қазақ және/немесе орыс тілдерінде электрондық түрде www.fpip.kz интернет-порталы арқылы жіберілуі тиіс.

Өнімді инновацияларды ынталандыру жобасы – жоғары зияткерлік ортаны қалыптастыру мен инновациялық технологиялар трансферті арқылы Қазақстанның экономикалық әлеуетін дамытуға бағытталған Қазақстан Республикасы Үкіметінің ҚР Білім және ғылым министрлігі арқылы Дүниежүзілік банкпен бірлесіп жүзеге асырылып отырған жоба.

Интервью ұйымдастыру және қосымша ақпарат алу үшін Жобаның PR-менеджеріне +7 777 0344293 телефоны немесе электронды мекен жай e-mail: Ця електронна адреса захищена від спам-ботів. вам потрібно увімкнути JavaScript, щоб побачити її. арқылы хабарласуыңызды сұраймыз.

Бүгін Астанада «Өнімді инновацияларды ынталандыру» жобасының кеңсесінде онлайн-конференция өтті, онда қазақстандық ғалымдарды ауқымды түрде ағылшын тіліне оқытуға жұмылдыратын қазақстандық ЖОО жанындағы технологияларды комммерциялау кеңселерін (әрі қарай - ТКК) дамыту талқыланды.

Конференцияның жұмысына ҚР БҒМ Ғылым комитеті Төрағасының м.а. Рахымжан Нұрсейітов, Л. Гумилев атындағы ЕҰУ, Әл-Фараби атындағы ҚазҰУ, Қ. Сәтпаев атындағы ҚазҰТЗУ, С. Сейфуллин атындағы ҚазҰАУ, ҚарМТУ, ШҚМТУ, ОҚМУ, СҚМУ және тағы басқаларының өкілдері қатысты.

Пилоттық режимде биылғы жылы 1500 қазақстандық ғалымдарды оқытуды бастау жоспарланып отыр. Келешекте бірінші кезеңнің нәтижелері бойынша оқыту моделі ғылым қауымдастығын барынша қамту мақсатында ауқымдандырылатын болады. Оқыту үшін максималды тиімді әдістер мен зерттемелер қолданылады, жәнеде ғылыми ортаның ерекшелігі де ескеріледі.

Рахымжан Нұрсейітов айтуынша:

«Аталмыш бағдарламаның мақсаты – өз зерттеулеріне барлық мүмкін гранттарды алып, оларды одан әрі нәтижелерін коммерциялау үшін отандық ғалымдарды халықаралық деңгейге шығару, нәтижесінде ол Қазақстан ғылымының шет елдегі бәсекеге қабілеттілігін арттырады.

Жаңа зерттеулердің саны бойынша нақты нәтижелермен қоса біз алдыңғы қатарлы ғылыми мақалаларға біздің ғалымдардың қол жеткізуі арқасында сапаның өсуін де күтіп отырмыз. Ал ол мақалалар әдетте ағылшын тілінде жарияланады.

Сондықтан біздің міндетіміз – жай ғана амандасуды үйретіп қана қоймай, өз ісіне шын мәнінде қызыққан және қазақстандық ғылымның дамуы өскелең ұрпақ үшін қаншалықты маңызды екенін түсінетін ғалымдарға мемлекет тарапынан көрсетілетін мүмкіндіктерді ұсыну».

«Өнімді инновацияларды ынталандыру» жобасы –ҚР Білім және ғылым министрлігі атынан Қазақстан Үкіметінің және Дүниежүзілік банктің бірлескен жобасы. Ол Қазақстанның экономикалық әлеуетін жоғары зияткерлік орта құру және инновациялық құрамасы бар технологияларды транферттеу арқылы өсіруге бағытталған.

Showcases

Background Image

Header Color

:

Content Color

: